«Қазгеология» ұлттық геологиялық
барлау компаниясы» АҚ

қаз | рус | eng

Жаңалықтар

«Қазгеология» АҚ Канада хоккейінің Қазақстандағы күніне қатысты

Print


2017 жылғы 21 мамырда Астана қаласында «Барыс Арена» мұз айдыны сарайында Канаданың Қазақстандағы елшілігі ұйымдастырған Канада хоккейінің Қазақстандағы күні өткізілді.


Іс-шара Канаданың 150 жылдық мерейтойын, Канада-Қазақстан дипломатиялық қатынастарының 25 жылдығын, сондай-ақ Қазақстан хоккейінің 60 жылдығын ресми тойлау мерекесінің бір бөлігі болып табылады.

Осы іс-шараның шеңберінде аты аңызға айналған хоккейшілердің қатысуымен хоккей нышандары бар заттарына аукцион саудасы жүргізіліп, үлкен қайырымдылық кеші өткізілді. Ұйымдастырушылардың айтуына қарағанда, осы кеш пен аукционда жиналған бүкіл қаражат Қазақстандағы әл-ауқаты төмен отбасыларындағы балалардың әуесқой хоккейін дамытуға тегін берілетін болады.

Сондай-ақ, бағдарлама бойынша Канаданың Қазақстан Республикасындағы Төтенше және Уәкілетті елшісі Шон Перри Стайлдың әрі хоккейдің атақты жұлдыздары Кен Драйденнің, Брайан Пропптың, Сэмми Джо Смолдың, Билли Бриджестің, Роберт Кронның, Деннис Маректің, Игорь Ларионовтың, Сергей Немчиновтың және басқалардың қатысуымен Қазақстан және Канада командаларының көрнекі ойыны өткізілді. Осы матчқа Канада елшілігінің шақыруымен «Қазгеология» АҚ Басқармасының Төрағасы Ғалым Нұржанов қатысты.

Бұдан басқа, осы іс-шарада «Қазгеология» АҚ Қазақстанда геологиялық барлау жұмыстарын жүргізу кезінде қолданылатын оның канадалық әріптестерінің, атап айтқанда, «GEOTECH» және «Phoenix Geophysics» Канада аэрогефизикалық компаниялары инновациялық жабдықтарының көрмелік стендтері қойылды.

Күні бүгін «Қазгеология» АҚ инновациялық технологияларды тарту және инвестициялық жобаларды іске асыру саласында көптеген Канада компанияларымен белсенді ынтымақтастық орнатқан, жыл сайын Торонто қаласында (Канада) өтетін PDAС халықаралық таукен форумына қатысады.

 

Қымбатты отандастар және Ұлы Отан соғысының ардагерлері! Осы бір даңқты мерекемен – Жеңіс күнімен шын жүректен құттықтауымызды қабыл алыңыздар!

Print

Осы бір даңқты мерекемен – Жеңіс күнімен шын жүректен құттықтауымызды қабыл алыңыздар!

9 мамыр – ұлан байтақ Отанымызды мекендеген халықтың жанқиярлық ерлігіне, сол бір сұрапыл соғыста Отанымызды қорғап, жанын пида еткен ардақты аға ұрпақтың қаһармандығына бас ию, алғысымызды жеткізудің бейнелік мәні. Бұл күні Ұлы Отан соғысында от кешкен наркескен батыр аталарымызға әрдайым шексіз ризашылығымызды шын пейілмен білдіреміз.

Баршамызға қадірлі мереке күні бәріңізге зор денсаулық, баянды бақыт, ұзақ ғұмыр тілейміз! Ұлы мереке Сіздерге Жеңіс күнінің шуақты күндерін тағы да еске салып, көңілдеріңізді сергітіп, қуаныш пен шаттыққа бөлесін!

Ізгі ниетпен,

«Қазгеология» АҚ

Басқарма Төрағасы

Ғ. Нұржанов

 

Қымбатты отандастар және Ұлы Отан соғысының ардагерлері! Осы бір даңқты мерекемен – Жеңіс күнімен шын жүректен құттықтауымызды қабыл алыңыздар!

Print

Құрметті қазақстандықтар!

Отан қорғаушысы күнінің құрметіне ең жылы лебіздер мен шынайы құттықтауымызды қабыл алыңыздар!

Еліміз үшін 7 мамыр – Отанына қалтқысыз адалдықпен қызмет ететін жауынгерлердің әскери борышын ерлікпен әрі жүректілікпен атқару мерекесі, тәуелсіз Қазақстанның Қарулы Күштері дүниеге келген күн.

Осы күнді тойлау Қазақстан жауынгерлерінің жаңа дәстүріне айналды. Бұл күн қазақстандық жауынгерлердің өр келбетті ерліктерінің жылнамасын әрі Отанға адал қызмет ету дәстүрінің сабақтастығын білдіреді.

Осы бір айтулы күні барлық Отан қорғаушыларына, Қазақстанның бүкіл тұрғындарына өшпес өміршеңдік, ертеңгі күнге нық сенімділік, зор денсаулық, бейбітшілік, бақуатты тұрмыс тілейміз!

Ізгі ниетпен,

«Қазгеология» АҚ

Басқарма Төрағасы

Ғ. Нұржанов

 

«Қазгеология» АҚ Қарағанды облысының Итауыз және Сарыадыр учаскелерінде бұрғылау жұмыстарын бастады

Print

«Қазгеология» АҚ Қарағанды облысында мемлекеттік тапсырыс шеңберінде «Итауыз кен орнының оңтүстік қапталында іздеу жұмыстары» және «Сары адыр учаскесінде мыс-порфира кенденуіне іздеу жұмыстары» жобалары бойынша бұрғылау жұмыстарын орындауға кірісті.

Итауыз учаскесі бойынша жұмыстарды Компания 2015 жылы бастады және 2 дала маусымы ішінде жалпы көлемі 3 846,9 қ.м, 9 іздеу ұңғымасын бұрғылады, осы ұңғымаларда құрамында 0,1%-дан 1,5%-ға дейін мыс бар кен аймағын ашты, олар 600-ден 700 метрге дейінгі тереңдікте кеңінен таралған.

Сары адыр учаскесінде 2015-2015 жылдар кезеңінде көлемі 3600 қ.м. 9 іздеу ұңғымасы бұрғыланды, сондай-ақ 8576 қ.м. геофизикалық зерттеулер жүргізілді. Осы ұңғымалар құрамында 0,1%-дан 0,6%-ға дейін, қуаты 4-тен 34 метрге дейін мыс бар кен аймағын ашты. Пирит пен халькопирит түрінде кеннің минералдануы бар.

Жезқазған, Сәтбаев және Балқаш қалаларының маңында моноқалалардың минералдық шикізат базасын одан әрі толықтыру үшін осы учаскелерде мыс кенінің тәндерін анықтау әрі бағалау мақсатында, 2017 жылға арналған жұмыстар жоспарына сәйкес Компания Итауыз учаскесінде жалпы көлемі 1850 қ.м., Сары адыр учаскесінде 3200 қ.м. іздеу ұңғымаларын бұрғылауды жоспарлауда.

«Қазгеология» АҚ мамандары 03.05.2017ж. жағдай бойынша Итауыз учаскесінде 450 қ.м., Сары адыр учаскесінде 480 қ.м. бұрғыланды, бұл ретте, П-11 іздеу ұңғымасы тәптіштеле зерттелген Алмалы учаскесінде 400 м тереңдікте алдын ала деректер бойынша қуаты 3,5-тен 22 метрге дейінгі мыстың минералдануы (халькопирит, пирит) аймағын анықтады.

Компания учаскелерде «Atlas Copco» өндірісіндегі қазіргі заманғы 3 бұрғылау аппараты жұмысқа тартылды. Кеннің минералдануы пирит пен халькопирит түрінде көрінеді. Жобаларды ағымдағы жылы аяқтау жоспарлануда.

 

Геолог мамандығы сұранысқа ие

Print

Елбасы Нұрсұлтан Назарбаевтың Жарлығына сәйкес, геологтардың кәсіби мерекесі сәуір айының бірінші жексенбісі болып белгіленген болатын. Осыған орай, «Қазгеология» ұлттық геологиялық барлау компаниясының Басқарма төрағасының орынбасарымен тілдесіп, компанияның атқарып жатқан жұмыстарымен таныстық.

– «Қазгеология» АҚ-тың дүниеге келгеніне 5 жылдан асыпты. Компания алдында қандай міндеттер тұр? Қазіргі уақытта, қай бағыттар бойынша неғұрлым белсенді түрде жұмыстар жүргізіліп жатыр?

– Қазіргі кезде әлемнiң көп елдерi кен өндiру секторын өз ұлттық экономикаларының бiрқалыпты дамуының қозғаушысы ретiнде қарайды. Қазақстан экономикасы дамуы да осы минералды-шикізат базасына байланысты болып отыр. Бірақ, бүгінгі күні геологиялық барлауға бөлінетін қаржыландыру жеткіліксіз, әрі тұрақсыз. Сарапшылар бағалауы бойынша, Қазақстанда жоғары сұранысқа ие металдар (Cu, Pb, Zn, Au, Ag) қорларымен қамтамасыз ету небәрі 12-15 жыл құрайды.

Осы мәселелерді шешу үшін ҚР Инвестициялар және даму министрлігі, Елбасының берген тапсырмасы бойынша, түбегейлі жер қойнауын пайдалану құқығын беруге арналған тіркеу рәсімдерін оңайлату және заңнамалық жағдайды жақсартып, оларды халықаралық стандарттарға сәйкес ережелерге келтіру үшін жүйелі жұмыстар жүргізіп жатыр.

Жалпы, «Қазгеология» ұлттық компаниясы республиканың минералдық-шикізат базасын молайту мақсатында құрылған болатын. Ұлттық компания осы қысқа кезең ішінде геологиялық барлауға қазіргі заманғы инновациялық технологиялар енгізіп, инвестициялар тарту, сондай-ақ геология саласының ғылыми деңгейін дамыту бағыттарында көп жұмыстар атқарды. Алайда, күні бүгін басқару құрамымен де, білікті геология персоналымен де толық қамтылған ұлттық компания геология саласындағы мақсаттар мен міндеттер тиісінше анықталмағандықтан, елдің минералдық-шикізат базасын толықтыру жөніндегі стратегиялық міндеттерді іс жүзіне асыра алмай отыр. Сондықтан, осы мақсатта құрылған, қарқынды дамып келе жатқан «Қазгеология» ұлттық геологиялық барлау  компаниясы» мемлекет тарабынан тиісті қолдау алып, нақты көмек көрсетілмесе,  еліміздің геология саласын дамытуға қомақты үлес қосуы  ойдағыдай деңгейде болмайды.

– Іс жүзіне асыра алмаудың себебі неде?

– Еліміздің минералдық-шикізат базасын толықтырып, қазіргі кезеңгі және ұзақ мерзімді мемлекеттің экономикалық сұранысын перспективада қанағаттандыру үшін міндетті түрде геология саласын дамыту керек. Сондықтан, уәкілетті мекеме – Геология комитетінің геологиялық зерттеу саласындағы мемлекеттің стратегиялық міндеттерін шешу жөніндегі «құралы» болуы тиіс.


Бүгінгі күнде, «Қазгеология» ұлттық компаниясы, Қазақстанға халықаралық ұлтаралық компаниялардың (ТНК) инвестициялары мен жаңа технологиялары трансферттерін тартып отырған жалғыз оператор.

Геология – бұл ғылымды қажетсінетін салалардың бірі, сондықтан өңірлік әрі іздеу (барлау) жұмыстарын дайындау кезінде өңірлердің даму ерекшеліктерін ескере отырып, олардың негізінде пайдалы қазбалар іздеудің геологиялық-геофизикалық материалдарды қорыту әрі талдаудың ғылыми түрде негізделген бағыттары бойынша тақырыптық ғылыми жұмыстардың үлкен көлемін жүргізу қажет. Осы жұмыстын нәтежиесінде, респубикалық минералдық-шикізат базасын дамыту бағдарламасын жасау керек, оның ішіде таукен-металлургия кешенін, өнеркәсіптің және өңірлер мен моноқалаларды дамыту талаптары ескерілетін кешенді көзқарас қажет.

Біздің ойымызша, көптеген дамыған елдердін тәжирбесін пайдаланып, геологиялық зерттеу саласын дамыту үшін, Қазгеологияға ұлттық оператор функциясын беріп, оған еліміздің минералдық-шикізат базасын зерттеу және алдын-ала толықтыру міндетін қою керек. Сонда біздің елде, геологиялық барлау жұмыстарына үлкен шығынсыз салынған инвестициялардың нәтежиесінде, әлемде орын алып отырған экономикалық дағдарыс аяқталғаннан кезде сұраныс табатын кен орындарын ашылуы әбден мүмкін.

– Осы саладағы белді компаниялармен тәжірибе алмасып, серіктес болып, бірлесе жоба жасап жатырсыздар ма?

Әрине, осы салада көшбасшылар болып табылатын әлемдегі ондаған ірі компанияны тарттық, олармен бірге Қазақстанның аумағында 30 жобаны қолға алып жатырмыз. Серіктестеріміздің ішінен, ең алдымен Қазақстанда 2014 жылдан бастап жұмыс істейтін «Рио Тинто» компаниясын атап өткім келеді. Олар Қазақстанда 2014 жылдан бері жұмыс істеп, Қарағанды облысында мыс кендерін барлау жөніндегі жобалармен айналысуда.  Оңтүстік Корея корпорациясы KORES бізбен 2015 жылғы мамырдан бастап жұмыс істейді әрі олармен бірлесіп, Қарағанды облысындағы Жезқазған және Сәтбаев моноқалалары маңындағы Дүйсембай учаскесінде полиметалл кендерін барлауды жүргізудеміз.

JOGMEC мұнай, газ және металдар бойынша Жапон ұлттық корпорациясы 2016 жылдан бастап Қыземшек учаскесінде жер қойнауын геологиялық зерттеумен айналысуда. ILUKA компаниясымен бірге Қазақстанның солтүстігінде 3 жобаны іске асырудамыз.

«ULMUS FUND» неміс компанияларының тікелей инвестициялар қоры 2015 жылдан бастап Бесшоқы алаңында түсті және асыл металдар барлау жөніндегі жобалармен айналысуда.

Yildirim Holding түрік компаниясы бастапқы кезеңде Қазақстанның бірнеше перспективалы учаскесінде, оның ішінде Қарағанды облысының Тектұрмас ультрабазит белдеуінде құрамында хром бар кен орындарына жер қойнауын геологиялық зерттеу жүргізуді жоспарлауда.

– Сіздер құрылғалы бері атқарылған ауқымды жұмыстарды атап кетіңізші... Алда не күтіп тұр?

2012 жылдан бастап, барлығы 19 объектіде іздеу және іздеу-бағалау жұмыстарын орындадық. Геологиялық нәтижелерден мынаны атап өткім келеді: барлаудың қазіргі заманғы әдістерін қолданып, тексеру және іздеу жұмыстарын жүргізудің нәтижесінде 6 болжамды кен түйіні  анықталды. Биылғы жылы Қарағанды облысындағы Жезқазған, Сәтбаев және Балқаш қалаларының маңында бірінші кезекте мыс пен алтынға оң нәтиже алу жоспарда бар. Жұмыстардың негізгі көлемі осылар.



Сондай-ақ, Орталық Қазақстанда мемлекеттік бюджет қаражаты есебінен жалпы сомасы 2,3 млрд.теңге құрайтын 7 жоба іске асырылып жатыр. Сондай-ақ, Сары адыр және Алтын шоқы учаскелерінде жақсы нәтижелер күтіп отырмыз. Басқа объектілер бойынша жұмыстар қорытындысы талдамалық жұмыстар нәтижелері алынғанан кейін айқындалатын болады.

Ал, болашақта аз немесе нашар зерттелген аумақтарда іздеу және іздеу-барлау кезеңдеріндегі геологиялық барлау жұмыстарын жүргіземіз. Күні бүгін бұрын оларға онша мән берілмеген пайдалы қазбаларға сұраныс артуда. Бұл – бірінші кезекте, мыс, түсті, асыл және сирек металдардың кен орындары.

– Қандай келешегі зор жобаларыңыз бар?

Жоғарыда айтқанымдай, биылғы жылы мемлекеттік тапсырманың шеңберінде 7 объект бойынша жұмыстарды аяқтаймыз. 2017 жылы «Қазгеология» АҚ-тың жұмыстарының екінші басым бағыты – мемлекеттік тапсырма шеңберінде Ақтөбе облысының Оңтүстік Мұғаджар тауларында мыс-колчедан кендерін іздеу жұмыстарын жүргізу болып табылады. Бұл мәселе облыс әкімдігімен алдын ала пысықталды. 8 учаскеде кешенді геологиялық барлау жұмыстары жүргізіледі. Оң нәтижелер болған жағдайда, осы өңірдің шикізат базасы бағалау жұмыстарын жүргізу үшін қосымша алаңдар мен ресурстар алады.

Сондай-ақ, орта мерзімді болашағы жақсы деп есептелген жобалардың бірі – ERG жүйесіне кіретін «Қазхром» ҰАК-пен 6 жыл мерзімге жасалған Оңтүстік Кемпірсай учаскесін бағалау бойынша геологиялық барлау жұмыстарын жүргізу болып табылады. Жұмыстар 2016 жылы басталып, жақсы қарқынмен жүргізілуде.

Өткен жылы таукен-металлургия саласындағы әлемдегі аса ірі өндірушілер тобына жататын Vale, Anglo-American, MA’ADEN, NMDC, Korea Zinc, SUMITOMO, Mitsui сияқты және тағы басқа ықтимал әріптес компаниялармен көптеген нәтижелі кездесулер өткіздік, олармен геологиялық барлау жұмыстары саласындағы ынтымақтастықты одан әрі жалғастыруды жоспарлап отырмыз.

– Ал компанияда кадрлар тапшылығы бар ма?

– Қазіргі уақытта, геолог мамандығы үлкен сұранысқа ие. Қазақстанда геологиялық барлау жұмыстарына да сұраныстар артып келеді. Әлі де болса, барланбаған кен орындары көп. Қорлары бекітілген кен орындары қажет. Алайда, осындай жұмыстар жүргізу үшін кадрлар даярлау қажет. Қазіргі уақытта, «Қазгеология» АҚ–та Қазақстан өңірлерінің филиалдарындағы қызметкерлерді қоса алғанда, 200-ге жуық адам еңбек етеді. Біздің қызметкерлер – ғылыми және өндірістік тәжірибесі бар жоғары білікті мамандар.



Компания кәсіби шеберлігі жоғары кадрлар құрамын қалыптастыруға зор мән береді. Үміткерлерді таңдап алу конкурс негізінде жүргізіледі. Жалпы қол жетімділік және ашықтық қағидаттарын ұстанамыз.  Инвесторлармен келісім жасау үшін уағдаласу барысында қоятын аса маңызды талаптардың бірі – бірлескен жобаларды іске асыру кезінде қазақстандық мамандарды геологиялық барлаудың жаңа технологияларына оқытып, үйрету.

– Қызметкерлерді оқытып, біліктілігін арттыруға қаншалықты  көңіл бөлесіздер?

– Жас мамандарды үйрету үшін тәлімгерлік жүйесі жұмыс істейді. 2016 жылы біліктілікті арттыру жөнінде 13 курс ұйымдастырылды, оларға «Қазгеология» АҚ–тың  150-ден астам қызметкері қатысты, 21 қызметкер «Rio Tinto» компаниясының әртүрлі бағдарламалары бойынша оқудан өтті. «Қазгеология» АҚ-қа 29 жасқа дейінгі 26 маман (геологтар, геофизиктер, бұрғылау шеберлері және т.с.с.) жұмысқа қабылданды. Бұдан басқа, жаз маусымы кезінде далалық геологиялық барлау жұмыстарын жүргізу әдістерін игеруге 12 студент үшін өндірістік тәжірибе ұйымдастырылды.

Мақала авторы - Мөлдір Дарханбаева, el.kz
 

Геолог күнімен!

Print

Құрметті әріптестер!

Геолог күні – кәсіби мерекемен шын пейілден құттықтауымды қабыл алыңыздар!

Геолог кәсібі қашанда ең құрметті әрі абыройлы мамандықтардың бірі болған, әрі қарай солай болады да! Сіздердің қажырлы еңбектеріңіз бен қажымас қайратқа толы жұмыстарыңыздың арқасында жаңа кен орындары ашылады деген ойдамын.

Сіздердің сарқылмас күш-жігерлеріңіз, кәсіби шеберліктеріңіз және шабытпен шамырқанған мақсаттарыңыз ел экономикасын көтеріп, одан әрі дамыту жолында жаңа бағыттарды ашсын.

Уважаемые коллеги!

Примите искренние поздравления с профессиональным праздником Днем геолога!

Профессия геолога во все времена была и будет одной из самых уважаемых и почетных. Благодаря Вашей ответственной работе и кропотливому труду открываются новые месторождения.

Пусть Ваши энергия, профессионализм и целеустремленность откроют новые пути для подъема и дальнейшего развития страны.

Сегодня настали не самые лучшие времена для геологии, но наши недра таят еще много неизведанного, а значит, я уверен, что впереди нас ждут новые открытия и большие достижения, о которых мы все в скором времени услышим.

Ізгі ниетпен,

«Қазгеология» АҚ

Басқарма төрағасы

Ғ. Нұржанов

 

«Қазгеология» АҚ-тың Бас геологы Берікбол Хамзин ҚР Минералдық ресурстар академиясының академигі атағына ие болды

Print

«Қазгеология» АҚ-тың Бас геологы Берікбол Хамзин Қазақстан Республикасы Минералдық ресурстар академиясының толық мүшесі (академик) атағымен марапатталды.

Берікбол Серікбайұлы Хамзин Қазақстанның аса көрнекті геологы, ғұлама ғалым Серікбай Хамзаұлы Хамзаның отбасында дүниеге келіп, балалық шағынан бастап, геолог мамандығының қызығы да, қиындығы да мол өмірінің сан алуан қырларын көргендіктен, оның ащысын да, тұщысын да сезініп өскен.

Күні бүгін геолог мамандығын ата кәсібіне айналдырған Хамзиндер әулетінің геологиядағы жалпы жұмыс өтілі 99 жыл құрайды. Ал, Берікбол Хамзин бұл салада 35 жылдан астам уақыт бойы еңбек етуде.

В.И.Ленин атындағы Қазақ политехникалық институтын «пайдалы қазбалар кен орындарын барлау және геология» мамандығы, «геолог - инженер» білігі бойынша табысты тәмамдаған Берікбол Хамзин өзінің еңбек жолын Қарағайлы экспедициясында бастап, онда учаскелік геолог лауазымынан бастап, экспедиция бастығы лауазымына дейін кәсіп сатыларының барлығынан өтті.

16 жылғы дала жұмыстары барысында ол көптеген кен орындарын барлау жұмыстарына орсан зор үлес қосқаны үшін «Қазақстанның құрметті геологы» атағына ие болды. 2001 жылы «Қазақстан Республикасының кен орындарын алғаш ашушы» өңіршесімен және дипломымен, 2002 жылы «ҚР жер қойнауын құрметті барлаушы» өңіршесімен және дипломымен марапатталды.

Мемлекеттік қызметте жұмыс істеген кезеңде Орталық Қазақстанда жер қойнауын мемлекеттік геологиялық зерттеуді ұйымдастырудан бастап, бақылауға алынған аумақта жер қойнауын ұтымды пайдалануды бақылауға дейін орасан зор жұмыс тындырды.

Б.С.Хамзин Қазақстанның, ТМД елдері мен әлемдегі басқа елдердің сан алуан басылымдарында жарияланған 80-нен астам мақалының авторы немесе тең авторы болып табылады. Оның ішінде Орталық және Солтүстік Қазақстан геологиясы мен экологиясы мәселелері бойынша тең авторы құқығымен 2 монография, сондай-ақ Қарағанды техникалық университетінің Ғылыми кеңесі жоғары оқу орындарындағы оқуда пайдалануға ұсыным жасаған, жалпы геология бойынша қазақ тіліндегі оқу құралын басып шығарды.

Қазақстан делегациясының құрамында мынадай: Бразилия (2000 ж), Италия (2004 ж.), Норвегия (2008ж. ), Австралия (2012 ж.), ОАР (Кейптаун 2016ж. ) өткен халықаралық геологиялық конгрестерге қатысты.

«Қазгеология» АҚ-та Берікбол Хамзин 2011 жылдан бастап жұмыс істейді және күні бүгін оның Бас геологы – Басқарма мүшесі лауазымын атқаруда. Берікбол Хамзин өз қызметі бойынша геологиялық барлау жұмыстарының ағымдағы әрі перспективалы жоспарларының негізгі бағыттарын әзірлеуге басшылық жасайды, жер қойнауының құрылысын кешенді геологиялық зерттеуді жүргізуді қамтамасыз етіп, геологиялық зерттеу және іздеу-барлау жұмыстарының барлық түрлеріне басшылықты жүзеге асырады. Геологиялық барлау саласына инвестициялар тарту үшін объектілерді дайындауға баса назар аударады.

Берікбол Серікбайұлы Хамзин өзінің бүкіл өндірістік және ғылыми қызметінде елдің минералдық-шикізат базасын ұдайы молайтуды қамтамасыз ететін инновациялық технологияларды қолданудың қазіргі заманғы тәсілдеріне, сондай-ақ геологиялық барлау жұмыстары саласына шетелдік инвестицияларды тартуға зор назар аударуда. Бұдан басқа, Берікбол Серікбайұлы Хамзин жас мамандар даярлауға баса назар аударуда. Күні бүгін компанияда тәлімгерлік жүйесі бойынша 21-ден 30 жасқа дейінгі 48 жас маман еңбек етуде.

 

Қазгеологияда Қазақстандағы «Жас геолог» үйірмелері жетекшілерінің семинары өткізілді

Print

2017 жылғы 27-28 наурызда «Қазгеология» АҚ кеңсесінде «Жас геолог» корпорациялық қорының жетекшілігімен Қазақстанның барлық өңірлеріндегі жас геологтар үйірмелерінің жетекшілері арасында 3 күндік оқу-практикалық семинар өткізілуде. Сондай-ақ, семинарға жыл сайынғы Жас геологтар олимпиадалары төрешілер алқасының мүшелері де қатысуда.

«Қазгеология» АҚ Басқармасы Төрағасының орынбасары Қадыржан Қаулдашев пен Бас геолог Берікбол Хамзин құттықтау сөз сөйлеп, жас геологтардың осындай үйірмелерін ұйымдастыру – мектеп оқушыларының геология ғылымдарын зерделеуге ықыласын оятуға, сөйтіп осылайша жер қойнауының әлі де болса, ашылмаған кен байлықтарын ашатын саладағы кәсіби мамандардың қатарын толықтыруға құлшынысын арттыратын маңызды іс-шара болып табылатынын атап өтті.

Семинардың басты тақырыбы – бейіндік іс-шаралар жүргізу жөніндегі ережелер мен әдістемелер әзірлеу, сондай-ақ алдағы уақытта өткізілетін Ү Қазақстандық жас геологтардың ашық дала олимпиадасы туралы ережеге өзгерістерді талқылау болды.

Сондай-ақ, семинардың шеңберінде оған қатысушылар аталған жарыстарды өткізу бойынша «Дала тұрағын ұйымдастыру», «Қауіпсіздік техникасының негіздері», «Геологиялық қиық» сияқты өзекті мәселелерді талқылап, 2016 жылы Бурабайда өткен ІҮ Қазақстандық жас геологтардың ашық дала олимпиадасының қорытындысын жасады. Семинардың екінші күні үйірмелердің әр жетекшісінің жұмысымен таныстыру және палеонтология бойынша дәріс өткізуді ұйымдастыру жоспарлануда.

2017 жылғы 28 наурызда семинардың шеңберінде оған қатысушылар Геология мұражайына баруды жоспарлауда.